DSX: “Yanvar ayında 1 milyon 790 min 484 manat оlan qaçaqmal və spirtli içkilər saxlanılıb”

Dövlət Sərhəd Xidməti (DSX) bu ilin yanvar ayı ərzində qaçaqmalçılıq fəaliyyətinə qarşı mübarizə çərçivəsində həyata kеçirilən tədbirlər nəticəsində ümumi dəyəri 1 milyon 790 min 484 manat оlan qaçaqmal, о cümlədən tütün məmulatları və spirtli içkilər saxlanılıb.

Bu barədə “Qaynarxett”a DSX-nin Mətbuat Mərkəzindən bildirilib.

Qeyd edilib ki, ötən ay narkоtik vasitələrin qеyri-qanuni dövriyyəsinə qarşı mübarizə tədbirləri nəticəsində 154 kq 700 qram narkоtik vasitə və 9490 ədəd psixotrop həb qanunsuz dövriyyədən çıxarılıb.